प्रहरी सङ्ग मिलेर पत्रकारलाइ फसाउन नक्कली नम्बर प्लेट राखेर मोटरसाइकल चलाउने नेपाली कांग्रेस मकवानपुरका सदस्यसमेत रहेका हेटौंडाका अर्जुन तिवारी विरुद्ध जिल्ला प्रहरी कार्यालय मकवानपुरमा जाहेरी परेको छ । पिडितले प्रतक्ष जिल्ला प्रहरी कार्यालयमा उपस्थित भै उजुरी दिदा नलिएपछी हुलाक रजिस्ट्री गरि उजुरी पठाइएको थियो । जिल्ला प्रहरी कार्यालय सङ्गै जोडिएको हुलाकबाट उजुरी पत्र पुगिसकेको सुचना अधिकारी स्यामु अर्यालले सराङ्कोटलाइ बताएका छन । पत्र सनाखत गरेर कारबाही अगाडी बढाउने उनले हेटौंडा उपमहानगरपालिका-१२ का अर्जुन तिवारी आसन्न उपनिर्वाचनमा कांग्रेसको तर्फबाट वडाअध्यक्षको उम्मेदवार हुन् । उनले ३० चैत २०७९ मा हेटौंडाका पत्रकार रमेश बन्जारालाई झुटो मुद्धामा फसाउनको लागि एक महिलालाई प्रयोग गरी नक्कली घटनास्थल स्थापित गराउन उक्त मोटरसाइकल प्रयोग गरेका थिए ।
प्रदेश ३-०३-००२ प ७९३२ नम्बरको उक्त मोटरसाइकल उनले प्रयोग गरेको सिसिटिभी फुटेज हेटौंडाक छापा तथा अनलाइनले प्रकाशन प्रशारण गरि सार्वजनिक गरेपछी तिवारीले उक्त मोटरसाइकल गायब पारेका थिए । अहिले उक्त मोटरसाइकलमा प्रयोग भएको नम्बर नक्कली भएकोसमेत पत्ता लागेको छ । तर बुलेट मोटरसाइकल गाएब पारिएको छ ।अपराध कार्यमा प्रयोग गर्ने उक्त बुलेट कहाँ छ ? मकवानपुर प्रहरिको टाउको दुखाइको बिषय बनेको छ । सत्ताधारी पार्टिका कार्यकर्ता नै सम्लग्न उक्त कान्डका नाइकेलाइ समाउन प्रहरिको हात गोडा कामेको बुझ्न सकिन्छ । जाहेरी सनाखत गर्ने कार्य यो समाचार तयार पार्दा सम्म भएको छैन । मकवानपुर प्रहरीले चोरि बुलेट बाइक कान्डमा कारबाही नगरे अदालत जाने जाहेरवाला बन्जाराले बताए ।
हेटौंडा स्थित यातायात कार्यालयमा उक्त नम्बर चितवनका एक व्यक्तिको स्कुटरको नाममा दर्ता कायम रहेको यातायात कार्यालयको ढड्डामा उल्लेख छ । तिवारीले प्रयोग गरेको मोटरसाइकल चोरीको हुनसक्ने आशंका र नक्कली नम्बर प्रयोग गरेको पाइएपछी पत्रकार बन्जराले जिल्ला प्रहरी कार्यालय मकवानपुरमा किटानी जाहेरी दिएका हुन ।
‘हामीले अनुसन्धान अघि बढाएका छौं, यातायात कार्यालयले उक्त नम्बर चितवनका एक व्यक्तिको स्कुटरको रहेको कागजात पठाएको छ’, जिल्ला प्रहरी कार्यालयका सुचना अधिकारी स्यामु अर्यालले जानकारी दिए । उनका अनुसार उक्त नम्बरका सवारी धनीलाई प्रहरीले बोलाएको बताइएको छ । उक्त कान्डमा पार्टिका उम्मेदवार नै मुछिएपछी पार्टी बृतमा बिखन्डन आएको छ । यद्यपि अस्तित्वको लडाइँको परेको नेपाली काङ्ग्रेस मकवानपुरले ठूलो धनराशि खर्च गरेर भोट बटुल्ने रणनीति बनाएको भएपनी पात्रको नैतिक दिवालियापनका कारण चुनाब जित्नु फलामको च्युरा चबाए झै हुने चर्चा मकवानपुरमा चलेको छ ।
यातायातले दिएको सवारी धनी उपर आवस्यक अनुसन्धान पछी जाहेरी परेका व्यक्तिलाई पनि झिकाएर अनुसन्धान गर्ने प्रहरीले जनाएको छ । तत्कालीन अबस्थामा केटि डुलाउने , नक्कली घटनास्थल बनाउने मात्र होइन जाहेरी नै प्रहरिको सहयोगमा तयार पारी नक्कली पिडक महिलालाई औठा छाप ठोक्न लगाइ ५ मिनेट भित्र आरोपी रमेश बन्जारालाइ जिप्रकामा बोलाइ बिना सोधपुछ ,बिना अनुसन्धान हिरासतमा लिइ उसै दिन आधा घन्टा भित्र म्याद थप गरिएको थियो । उक्त योजनामा मकवानपुरका तत्कालिन प्र जि अ राजेन्द्र देब पान्डे ( हाल गन्डकी प्रदेश सामाजिक बिकास मन्त्रालयमा सचिब ) ,जिल्ला प्रहरी प्रमुख एसपी बामदेब गौतम ( हाल इन्द्र बानियाको भुगर्भ सिमेन्टमा कार्यरत ) ले भुमिका खेलेका थिए ।
