![](https://www.sarangkotnews.com/wp-content/uploads/2023/12/viber_image_2023-12-09_09-49-20-534-1200x556.jpg)
Advertisements
![](https://www.sarangkotnews.com/wp-content/uploads/2024/04/gif-file.gif)
पोखरा महानगरपालिका वडा नम्बर ६ का वडा सदस्य दीपेन्द्र पहारी सहितलाई गुन्डागर्दी गरि ठगीको आरोपमा कास्की प्रहरीले चार जनालाई पक्राउ गरेको छ ।
वडा नम्बर ६ लेकसाइड स्थित फुटट्रयाकमा फोटोग्राफी गरेबापत विभिन्न प्रकारले धम्क्याउँदै रकम लिएको र फोटोग्राफी गर्नेहरुको नाउँमा व्यवसाय दर्ता नगरी ठगी गरेको उजुरीका आधारमा पक्राउ गरेको हो ।
त्यसैका आधारमा उनीहरुलाई पक्राउ गरिएको कास्की प्रहरी प्रवक्ता प्रहरी नायव उपरीक्षक श्रवण कुमार विकले जानकारी दिए । वडा सदस्य पहारीसहित पक्राउ पर्नेमा वडा नम्बर ६ लेकसाईड बैदाम बस्ने ४१ वर्षीय विकास पहारी, २२ वर्षीय प्रवीन विश्वकर्मा, २४ वर्षीय अभिषेक परियार र अप्पे भन्ने अभिषेक बराल रहेका छन् ।
![](https://www.sarangkotnews.com/wp-content/uploads/2023/11/376680021_701767341990849_1708111337229580273_n.jpg)
उनीहरु विरुद्ध विभिन्न १५ जना व्यक्तिले दिएको जाहेरीको आधारमा जिल्ला प्रहरी कार्यालय कास्की र वडा प्रहरी कार्यालय बैदामबाट खटिएको प्रहरी टोलीले पक्राउ गरेको हो ।
चार जनालाई नै कास्की जिल्ला अदालतबाट ठगी तथा अपराधिक लाभ सम्बन्धी मुद्दामा म्याद थप गरी अन्य अनुसन्धान पक्रिया अगाडी बढाईएको कास्की प्रहरी प्रवक्ता विकले जानकारी दिए ।
लेकसाइडमा दन्डहिनताका कारण अराजकता मौलाएको बारे सराङकोट साप्ताहिकले केही हप्ता अघि एक रिपोर्ट प्रकाशन गरेको थियो । यश प्रकरणमा पहिला पनि जनगुनासो हुँदै आएपनी तत्कालिन प्रहरी प्रमुखको मौनताले छानबिन र कारबाही हुन सकेको थियन ।कास्की प्रमुखमा मोहन कुमार थापाले कमान्ड समाले पछि असल पुलिसिङ भइरहेको भन्दै नागरिक तहमा खुसी सन्चार भएको छ ।
पछिल्लो समयमा पोखराका जनप्रतिनिधि कानुनी फन्दामा फस्दै आएका छन । २१ नम्बरका वडाअध्क्ष्य दिपक सुवेदी सहकारी ठगी आरोपमा फरार छन भने २४ का वडा अध्यक्ष भरत अधिकारी दलित्लाइ गाली गरेको आरोपमा अदालतले डामेको छ ।केही समय अघि ३३ कि वडा सदस्य सवारी मुद्दामा थुनिएकी थिइन ।
Advertisements
![](https://www.sarangkotnews.com/wp-content/uploads/2024/09/8x10ft-media.png)
Advertisements
![](https://www.sarangkotnews.com/wp-content/uploads/2024/04/gif-file.gif)
Advertisements
![](https://www.sarangkotnews.com/wp-content/uploads/2023/11/Annapurna-Bal-Tatha-Mahila-Aspatal-Final-Ad-copy.jpg)