हल्दिबारी ३ मा सार्बजनिक सडक मासियो, अध्यक्ष लिङ्देनकै पालिकामा बेथिति !

सराङ्कोट न्युज ब्यूरो

दशक अघि देखिको सार्बजनिक निकास

सडक पुर्बाधारलाइ बिकासको आधार मानिन्छ । जहाँ निकास त्यहीँ बिकास भन्ने बिकासको अबधारणा लिएर मुलुक अगाडि बढिरहेको बेला प्रधानमन्त्रीकै गृह जिल्ला झापामा भने बर्षौ देखि चलिरहेको सार्बजनिक सडक मासेर खेत बनाउने दुस्साहस गरिएको छ ।प्रधानमन्त्री मात्र नभै अर्का चर्चित नेता अर्थात राप्रपाका अध्यक्ष राजेन्द्र लिङ्देनको गृहनगर हल्दिबारी गाउँ पालिकामा बिकासको उल्टो गति चलेको पाइएकोछ ।नेपाल र नेपालिको लागि न्याय दिलाउने आन्दोलनको नेतृत्व गरेर हिडिरहेका राप्रपाका अध्यक्ष नेता लिङ्देनको सहोदर भाइले राप्रपाबाट अध्यक्षको चुनाब जितेको पालिका हो हल्दिबारी । राजा आउ देश बचाउ भन्ने नारा लिएर हिडेका उनै अध्यक्ष लिङ्देनको गृहनगर हल्दिबारी झापाका नागरिक भने अन्यायको भुमरिमा परेर रन्थनिएका छन । बत्ती मुनिको अधेरो भनेजस्तै भएको छ हल्दिबारी ३ ढडुवा बजारमा ।
पालिकाबाट ग्रावेल गरिदै

अध्यक्ष राजेन्द्र लिङ्देनका सहोदर भाइ रबिन्द्र लिङ्देनले राप्रपाबाट झापाको हल्दिबारी गाउँपालिका अध्यक्षमा चुनाब जितेको वडा नम्बर ३ का केही नागरिकहरूले न्याय निसाफ नपाएर भौतारिन परेको गुनासो गरेकाछन । हल्दिबारी ३ का ढडुवा बजार स्थित हुलाकी सडक छेउका स्थानियहरुले एक दशक अगाडी देखि प्रयोग गरि आएको सडक गाएब पारेर आवागमन बन्द गरिदा पनि पालिकाले आफ्ना नागरिकलाइ न्याय गर्न सकेको छैन ।
हल्दिबारी गाउँपालिका वडान ३ ढडुवा बजारबाट जनकल्याण प्रतिस्ठानको निर्माणाधीन भवन जाने सडक मासेर खन जोत गरिदा स्थनियले निकास नपाएर सास्ती ब्यहोर्न परेको छ । केही महिना अगाडि सम्म फिल्डमा २० फिटको बाटो भएको ठाउ गुगल म्यापले पनि बाटो रहेको देखाउछ तर अहिले आएर रहस्यमय ढ्ङ्गबाट सडक पुरेर खेत वारि बनाउने काम गरिएको छ । बर्षौ देखि प्रयोग गरिदै आएको सार्बजनिक बाटो मासेर खेत वारि बनाउदा पनि हल्दिबारी गाउँ पालिकाले सडक बाटो कायम गरेर निकास र निसाफ दिन सकेको छैन ।
उक्त बाटो सार्बजनिक नै हो भन्ने बिषयमा पर्याप्त प्रमाण रहेको छ । पालिकाले २०७५ साल देखि सडक स्तरोन्नति गर्न बजेट छुट्याइएको र सडक ग्राभेल गरेको कुरा पालिकको योजना किताब रातो बुकबाट खुल्न आएको छ । पालिकाका प्रमुख प्रशासकीय अधिकृत मान बहादुर बन (महेन्द्र ) स्वयमले उक्त बाटो सार्बजनिक भएको स्वीकार गरेकाछन । ब्यक्तिगत द्वन्दका कारण बाटो मासिएको र त्यो समस्या जनप्रतिनिधिले समाधान गर्न सक्ने अधिकृत बन बताउँछन ।
२०६८ साल देखि स्थानीयले प्रयोग गर्दै आएको उक्त सडकमा चालू आबमा समेत नेपाल सरकार समानिकरण अनुदान बाट यातायात पुर्बाधारको शिर्षकमा एक लाख बजेट बिनियोजन गरिएको छ । उक्त बाटो बिस्तारको लागि पालिकाले ५० घन्टा भन्दा बढी समय जेसिबि र ब्याकोलोडर प्रयोग गरेको रेकर्ड गाउँपालिकाको अभिलेखमा रहेको छ । हाल बाटो अबरोध गर्ने सावित्री खत्री लगाएतका ब्यक्तिलाई स्वार्थ समुहले प्रयोग गरेर सडक मास्न खोजेको स्थानीय पीडित समुहले बताएको कुरालाइ त्यहाँ घटाइएको कुटपिट र असमान्जस्य अबस्थामा सहभागी पात्रको अनुहारबाट चित्रण हुन गएको छ ।
बर्षौ देखि चलेको सार्बजनिक बाटो गाएब पारिदा हल्दिबारी गाउँ पालिकाले पिडितलाइ निसाफ र निकास दिन असफल देखिनुलाइ अर्थपूर्ण रुपमा लिइएको छ । देशकै मुहार फेर्छु , भ्रष्टाचार अनियमितता र अन्यायको बिरोधमा लड्छु भनेर जेहाद छोड्ने राप्रपाका केन्द्रिय अध्यक्षको गृह जिल्ला मात्र नभएर आफ्नै पार्टीबाट चुनाब जितेका भाइ रबिन्द्र लिङ्देनले गाउँपालिकाका जनतालाई न्याय दिन सकेका छैनन । देशमै राप्रपाको शासन आए के अपेक्षा गर्लान नागरिकले भन्ने प्रश्न उनकै गाउँ पालिकाको दुर्दशा नियाले पछि थाहा हुन्छ।

पालिका अध्यक्ष लिङ्देन सहितको सहमती

त्यसो त नागरिकको पक्षमा त्रिपक्षिय सम्झौता नभएको भने होइन । तथ्य र प्रमाणले स्थानिय पिडितलाइ बाटो खुलाउनुको बिकल्प छैन तर कहिले ? सामान्य समस्याको समाधान दिन आलटाल गर्ने जनप्रतिनिधिको भर कहिले सम्म पर्ने ? भएका सहमती केबल कागजको खोस्टा जस्तै अर्थ र उपलब्धिहिन बनेकाछन ।

हल्दिबारी गाउँपालिकाको प्राबिधिक टोलि (अमिन) जनप्रतिनिधि र स्थानिय नागरिकहरूले मिति २०८० चैत्र ११ गते फिल्ड नापजाँच गर्दा हल्दिबारी ३ ढडुवा बजार देखि इस्वरा तिवारिको जग्गासम्म २० फिटको बाटो भोगचलनमा रहेको मुचुल्का प्रमाणित गरेको छ । यता बिबाद समाधानको लागि पालिकाका अधक्ष्य रबिन्द्र प्रसाद लिङ्देनको अध्यक्षतामा भएको मिति २०८१ पुस २० गते को त्रिपक्षीय सहमतिमा पनि साबिकमा भोगचलन भइरहेको पुरानो बाटो निरन्तर प्रयोग गर्ने भनिएको छ । गाउँ पालिकाका अध्यक्षको रोहबरमा भएको सहमति ४ महिना भइसक्दा कार्यान्वयनमा आउन नसकेको पिडित मध्यकी एक इस्वर तिवारीले बताइन । पालिकाका अध्यक्ष रबिन्द्र प्रसाद लिङ्देन र वडा नम्बर ३ का अध्यक्ष बिष्णु प्रसाद ओली सङ्ग सम्पर्क गर्न खोज्दा दुबैको मोबाइल उठेन ।
राप्रपाका नेतालाइ आफ्नै पालिकाका नागरिकले भोगिरहेको समस्या टार्न धौ धौ परेको छ । सोही पालिकाका प्रमुख प्रशासकिय अधिकृत मान बहादुर बन गायब गर्न खोजिएको सडक सार्बजनिक सडक नै भएको बताउछन । जनप्रतिनिधिले बिबाद समाधानको पहल गरिरहेको अधिकृत बनले बताएकाछन । बर्षौ देखि सरकारी बजेट सुबिधा लिएर सडक सुधार गर्ने तर अहिले आएर बाटो फाल्न खोज्नु भ्रष्टाचारको नियत रहेको बुझिन्छ । डेढ दशक देखि आम नागरिकले प्रयोग गरेको सडक आज आएर एक दुई जनासङ्ग रिस उठ्यो भन्दैमा सडक फाल्न नमिल्ने नागरिक अगुवाहरु बताउछन । बर्षौ देखिको सार्बजनिक सडक यथावत कायम गर्ने बिषयमा कहिले समाधान हुन्छ ? कसले भाजो हाल्छन त्यो भने हामि निरन्तर फलोअपमा रहनेछौ ।