जारी भएन अन्तरिम आदेश , अमरसिंहका ब्यापारी सटर टहरा छोड्न बाध्य

उच्च अदालत पोखराको सोमबारको आदेश पछि पोखराको प्रबेश द्वार मानिने अमरसिंहचोकमा रहेको अमरसिंह माबिको जग्गामा बनेका घर टहरा खाली गर्न ब्यापारीहरु बाध्य हुने अबस्था सृजना भएको छ । सटर टहरा हटाइ जग्गा खाली गराउन ३५ दिने अल्टिमेटम सहितको सूचना बिध्यालयले जारी गरेको बिषयमा ब्यापारीहरुले असहयोग गर्दै आएका थिए । ब्यापारीहरुले सङ्गठित रुपमै आन्दोलनमा होमिने र सटर टहरा नभत्काउने योजना अघि सारेका थिय । अमरसिंह माबिले चोकको सुन्दरता झल्कने गरि ब्यबस्थित कम्प्लेक्स बनाउने गुरु योजना बनाएर अघि बढ्ने जनाउदै माघ ११ गते सार्बजनिक सुचना प्रकाशन गरेको थियो ।
सार्बजनिक सुचना जारी गरेपछी ब्यापारीहरुले
उध्योगी ब्यापारीहरुको सस्था पोखरा उध्योग बाणिज्य संघलाई सहयोगको लागि गुहार मागेको थियो । पोखरा उध्योग बाणिज्य संघले फागुन १ गते ब्यापारीको हित हुने गरि बिज्ञप्ति जारी गरेको थियो । बिज्ञप्तिमा ब्यापारीको माग सम्बोधन गर्नु बिध्यालयको कर्तब्य हुने उल्लेख गरेको थियो तर चोकको कुरुपता र बिध्यालयको हितमा संघले बोलेको थिएन । अब के गर्छ पोखरा उध्योग बाणिज्य भन्ने बिषयमा प्रतिक्रिया लिन अध्यक्ष गोकर्ण कार्की र महासचिव शोभा गौतमलाइ फोन गर्दा फोन उठेन ।
बिध्यालयको ३५ दिने सुचनाको बिरुद्दमा ब्यापारीहरु उच्च अदालत पोखरामा रिट जारी गर्न माग गर्दै निबेदन गर्न गएका थिए । ६ गते बेन्चमा पेश भएको उक्त मुद्दा १२ गते सोमबार न्यायाधीश द्वय दीपेन्द्र अधिकारी र मिलन कुमार राइको सयुक्त इजलासले दुबै पक्षलाइ छलफलको लागि बोलाएको थियो । सोमबार दुबै पक्षका अधिबक्ताहरुको बहस र छलफल पछि रीट जारी नहुने आदेश भएको छ ।

लामो समयको रस्साकस्सी पछि अमरसिंह माविको दक्षिण तर्फ राजमार्ग छेउमा रहेको पुराना सटर हटाउन बिध्यालयलाइ मार्ग प्रसस्त भएको छ । कुनै सम्झौता पत्र बिना ब्यापारीहरु बर्षौ देखि ब्यापार गर्दै आएका थिए । राजमार्ग बिस्तार गर्ने क्रम चलिरहेको र चोकमा रहेका जिण टहराले कुरुप बनाएको अमरसिंह चोकको मुहार फेरिने भएको छ ।
अदालतले बिध्यालयले जारी गरेको सुचनाको पक्षमा आदेश गरेपछी ब्यापारीहरुले सटर पसल आफै भत्काएर जग्गा खाली गर्नुपर्ने भएको छ । अदालतले समेत मार्ग प्रसस्त गरेपछी पनि अवज्ञा वा अटेर गरेमा अदालतको मानहानी हुन जाने जानकारहरु बताउछन् । फागुन १५ गते बिध्यालयले दिएको ३५ दिने म्याद सकिदै छ ।

पोखराको प्रबेशद्वारको रुपमा रहेको अमरसिंहचोकको सुन्दरताको बिकाश गरि नयाँ संरचना निर्माण गर्ने व्यवस्थापन समितिको निर्णयपछि व्यापारीलाई उक्त सटरहरु खाली गर्न ३५ दिने सूचना जारी गरिएको हो ।

राजमार्ग र हस्पिटल मार्ग दुई तर्फ गरि ५५ वटा सटर विद्यालयको चौर पृथ्वी राजमार्गसँग जोडिएको छ । हाल राजमार्ग विस्तार र स्तरोन्नतीको काम भइरहेकाले उक्त सटर भत्काउन लागिएको सुचनामा उल्लेख गरिएको थियो । राजमार्ग बिस्तारको कारण टहरा फाल्न बाध्य भएको विद्यालय व्यवस्थापन समितिले बताएको छ ।

४० बर्ष देखि अमरसिंह माबिको जग्गामा सटर टहरा बनाइ ब्यापार केन्द्र बनाइएको थियो । यसअघि पनि पटकपटक सटर हटाउने प्रयास गरिएको थियो तर राजनीतिक दवाब र प्रभावका कारण सफलता हात पर्न सकेको थिएन । झन्डै ५५ वटा सटर बाट मासिक जम्मा २ लाख ३९ हजार रुपैयाँ मात्र बिध्यालयलाई भाडा बुझाउदै आएका थिए । यो बिषयमा सराङ्कोटले पटक पटक समाचार प्रकाशन गरि सटर टहरा भत्काइ नयाँ निर्माण गर्न खबरदारी गरेको थियो ।

अमरसिंह माबिको बि ब्य समितिले माघ ३ गतेको बैठक मार्फत निर्णय गराई सटर खाली गर्न माघ ११ गते व्यवसायीहरुलाई ३५ दिने सूचना जारी गरेको थियो । जारी सूचनामा सटर टहरा हटाएर नयाँ व्यापारिक संरचना बनाउने समितिको योजना छ । सूचनामा व्यवस्थापन समिति अध्यक्ष कृष्णप्रसाद कोइराला र प्रधानाध्यापक शेरबहादुर थापाले हस्ताक्षर गरेका थिए ।

फागुन १२ गते सोमबार उच्च अदालतले दिएको आदेशले अधिकार खोजेर मुद्दा हाल्ने ब्यापारीहरुलाइ राम्रो सवक मिलेको छ । बर्षौ देखिको माथापच्ची अब अन्त्य हुने भएको छ ।