नेपालिहरुको धार्मिक आस्थाको केन्द्र प्रशिद्द शक्ति पीठ पोखरा १९ मा रहेको अकला मन्दिर धार्मिक क्षेत्र बिकास समितिको अधिबेशन यसै बर्ष भित्र गरिने निर्णय भएको प्राप्त सुचनामा जनाइएको छ । समितिको हालै बसेको बैठकको निर्णयलाइ हवाला दिदै समितिका अध्यक्ष बाबुराम गौतमले भने ” अबको दुई महिना भित्र अर्थात चैत्र महिना भित्र साधारणसभा र अधिबेशन सम्पन्न गरिनेछ ।” समितिले यस्तो निर्णय गरेपनी साधारणसभा र अधिबेशन हुने निस्चित नरहेको समितिकै केही सदस्यहरुले बताएका छन ।
अकला धार्मिक क्षेत्र बिकास समितिले २०७४ साल यता अधिबेशन नगराएको भन्दै समिती भित्र तिब्र आलोचना हुँदै आएको थियो । हरेक१-१ बर्षमा हुने साधारणसभा र २-२ बर्षमा गरिनुपर्ने अधिबेशन ८ बर्ष सम्म नगरिदा सस्थाले पारदर्शीता अपनाइ कानुनको पालना नगरेको बारेमा तिब्र आलोचना खेप्दै आएको छ । त्यति मात्र नभै मन्दिरको प्रबेश गेट निर्माममा समेत अबरोध भएको छ । डेढ बर्ष अघि नै समितिले खरिद गरेको जग्गा खाली गर्न नसक्दा स्वागत प्रबेश गेट निर्माण कार्य अघि बढ्न सकेको छैन ।
मन्दिरको जग्गामा सटर बनाइ पसल राखेका ब्यक्तिले जग्गा खाली गर्न चाहेका छैनन । सटर बनाउने ब्यक्ति अध्यक्ष बाबुराम गौतमका छोरा हुन । पछिल्लो समयमा सराङ्कोट पत्रिकामार्फत समाचार सार्बजनिक भएपछी साधारणसभा र अधिबेशन गर्न र स्वागत प्रबेश गेट निर्माण गर्न समितिले तदारुकता देखाएको छ । पोखरा १९ नम्बर वडाका वडा अध्यक्ष पुस्पेन्द्र पान्डेको पहलमा बैठक बसेपछी समितिले गति लिएको छ समितिका एक सदस्यले भने । समितिका अध्यक्ष बाबुराम गौतमले भने फागुन महिनामै प्रबेश गेटको शिलान्यास गरिनेछ ।
नेपाल सरकारमा दर्ता भइ संचालित सार्बजनिक सस्थारुले सस्थाको बिधान अनुसार साधारणसभा गरि आयब्यय पास गर्नुका साथै आबधिक अधिबेशन गरिनु पर्छ । आर्थिक कारोबार समेत हुने अकला मन्दिर धर्मिक क्षेत्र बिकाश समितिले लेखापरीक्षण गराइ नागरिक पारदर्शिता अपनाउनु पर्ने हुन्छ । चालू बर्षमा पनि महानगरपालिकाले अकला मन्दिर प्रबेश स्वागत द्वार निर्माणको लागि १० लाख रुपैयाँ बजेट बिनियोजन गरेक वडा अध्यक्ष पुस्पेन्द्र पान्डेले बताए ।
प्रतिक्रिया दिनुहोस्