![](https://www.sarangkotnews.com/wp-content/uploads/2024/06/Screenshot_20240616_080746.jpg)
![](https://www.sarangkotnews.com/wp-content/uploads/2024/04/gif-file.gif)
पारिजात खराल
यातायात ब्यबस्था कार्यालय डुम्रे तनहुँले चालू आबको बैशाख मसान्त सम्म १७ करोड ४२ लाख १९ हजार ६२७ रुपैयाँ राजस्व सकलन गरेको छ । यातायात कार्यालय तनहुले उपलब्ध गराएको सुचना अनुसार बितेको १० महिनामा विभिन्न शिर्षकमा उक्त राजस्व उठेको हो ।
सवारी चालक अनुमतिपत्रबाट आम्दानी ४५ लाख ९१ हजार ४ सय ,सवारी दर्ता बापत ३ करोड ६ हजार ६५० रुपैयाँ , सवारी साधन कर बाट १३ करोड ९६ लाख २१ हजार ५७७ रुपैयाँ गरि कुल १७ करोड ४२ लाख १९ हजार ६६७ रुपैयाँ राजस्व आम्दानी गर्न सफल भएको छ । यातायात कार्यालय तनहुँ डुम्रेका निमित्त कार्यालय प्रमुख कमला द्वारेका अनुसार चालू आबको १० महिनाको अबधिमा विभिन्न बर्गका ५४ सय सवारी चालक अनुमतिपत्र बितरण , दुई पाङ्ग्रे र ४ पाङ्ग्रे गरि ३१० वटा सवारी दर्ता गरिएको छ ।
१५ जना कर्मचारीको स्वीकृत दरबन्दी रहेको उक्त कार्यालयमा हाल ६ जना मात्र स्थायी कर्मचारी कार्यरत छ्न । ४ जना करारका र अन्य सेवाबाट २ जना कर्मचारी गरि १२ जनाको भरमा कार्यालय सन्चालन हुँदै आएको प्राप्त सुचनामा जनाइएको छ । बिगत केही महिना देखि ट्राएल सेन्टरको जग्गा बिबादका कारण लाइसेन्स परीक्षा सम्बन्धि कार्य रोकिएको छ । पोखरा मुगलिन राजमार्ग सङ्गै जोडिएको कार्यालय भएपनी तुलनात्मक रुपमा कामको चाप कमै रहेको प्रत्यक्षदर्सि सेवाग्राहीले बताएका छन ।गण्डकी प्रदेश सरकार अन्तरगत रहेको उक्त कार्यालय सन्चालनका लागि १ करोड ६१ लाख ४७ हजार रुपैयाँ बजेट पठाएको छ । बजेट खर्चको पारदर्शिता , प्रगती र उपलब्धिको बारेमा भने समीक्षा हुन बाकी रहेको छ ।
![](https://www.sarangkotnews.com/wp-content/uploads/2024/09/8x10ft-media.png)
![](https://www.sarangkotnews.com/wp-content/uploads/2024/04/gif-file.gif)
![](https://www.sarangkotnews.com/wp-content/uploads/2023/11/Annapurna-Bal-Tatha-Mahila-Aspatal-Final-Ad-copy.jpg)