![](https://www.sarangkotnews.com/wp-content/uploads/2023/09/IMG_20230921_095118-1200x675.jpg)
Advertisements
![](https://www.sarangkotnews.com/wp-content/uploads/2024/04/gif-file.gif)
पोखरा ।
पत्रकार ऋषिकान्त पौडेल ‘यातायात व्यावसायिक पत्रकारिता पुरस्कार –२०८०’ बाट सम्मानित भएका छन् । नेपाल पत्रकार महासंघ कास्कीको सहकार्यमा पोखरा यातायात प्रालिले हरेक वर्ष प्रदान गर्दै आएको पुरस्कारबाट पौडेल सम्मानित भएका हुन् । प्रा.लि.को पाँचौ वार्षिक साधारण सभाको अवसर पारेर आज पोखरामा आयोजित कार्यक्रममा पौडेललाई पुरस्कृत गरीएको हो ।
विगत १७ वर्षदेखि पत्रकारीता पेशामा क्रियाशिल पौडेललाई नगद २५ हजार रुपैया , सम्मान पत्रसहित दोसल्ला ओढाएर सम्मान गरीएको थियो । सडक यातायातसँग सम्बन्धित सुचना एवम् सचेतनामूलक समाचारको माध्यमबाट आमजनता र सरोकारवालालाई सु–सुचित गराउन उल्लेख्य योगदान पु¥याएकोमा महासंघ तथा प्रालिले पौडेललाई पुरस्कृत गरेको जनाईएको छ ।
पौडेलले यसअघि गोल्डेन आई टेलिभिजन , एभिन्यूज टेलिभिजन , पोखरा हटलाईन राष्ट्रिय दैनिक, पोखरा टेलिभिजन, गन्थन डटकम लगायतका संञ्चारमाध्यममा आवद्ध भई समाचार संकलन तथा सम्पादनको कार्य गरीसकेका छन् । यसैगरी पोखराका पहिलो पत्रकार स्वर्गीय जगन्नाथ सिग्देलको स्मृतीमा नेपाल पत्रकार महासंघ कास्कीद्वारा सञ्चालित हिमदुत पत्रकारीता पुरस्कारबाट पनि पुरस्कृत पौडेल विभिन्न सामाजिक संघ–संस्थाबाट समेत सम्मानित भईसकेका छन् ।
![](https://www.sarangkotnews.com/wp-content/uploads/2023/09/IMG_20230921_105658-scaled.jpg)
प्रालिले हरेक वर्ष प्रदान गर्ने उक्त पुरस्कारबाट यसअघि पत्रकारहरु दिपेन्द्र श्रेष्ठ, गोविन्द सुवेदी, सन्तोष अधिकारी, अर्जुन गिरी, रञ्जन अधिकारी, यदुनाथ बन्जारा, कमल पौडेल अथक लगायत सम्मानित भैसकेका छन् । साधारण सभाको उद्घाटन गर्दै यातायात व्यावसायि राष्ट्रिय महासङका वरिष्ठ उपाध्यक्ष ऐन कुमार साइले यातायात व्यावसायिका समस्यामा सरकारको ध्यानाकर्षण हुनुपर्नेमा जोड दिनुभयो । प्रबन्ध निर्देशक अमृत शर्माले सन्चालन गरेको कार्यक्रममा मजदुर नेताहरु तिलक बिक , बिश्नु बहादुर खत्री , ब्यबसायिको तर्फबाट योगेन्द्र केसि , केदार पौडेल , भानुभक्त बराल , प्रकाश तिवारी लगाएतले शुभकामना मन्तब्री व्यक्त गरेका थिय । कार्यक्रमको उद्घाटन सत्रको अध्यक्षता देउ प्रसाद गुरुङ र स्वागत मन्तब्य देबिप्रसाद कुइकेलले गरेका थिय ।
Advertisements
![](https://www.sarangkotnews.com/wp-content/uploads/2024/09/8x10ft-media.png)
Advertisements
![](https://www.sarangkotnews.com/wp-content/uploads/2024/04/gif-file.gif)
Advertisements
![](https://www.sarangkotnews.com/wp-content/uploads/2023/11/Annapurna-Bal-Tatha-Mahila-Aspatal-Final-Ad-copy.jpg)